Pagdeklarar sang State of Calamity sa Probinsya Bangud sa Dengue, Wala sang Rason Suno kay Gov. Arthur Defensor

Iloilo–Wala sang rason agud magdeklarar sang state of calamity ang probinsya bangud sa dengue.

Pahayag ini ni Governor Arthur Defensor bisan pa nagadamo ang kaso sang dengue. Sa record sang Provincial Health Office halin Enero 1 tubtob Setyembre 10, nagalab-ut na sa 6, 808 ang dengue cases kag 15 ang napatay. 405% ini nga mas mataas kon ikumparar sa kapareho nga period sang nagligad nga tuig.

Wala sang rason nga mag-panic suno kay Defensor bangud 15 porsyento na lang sang mga natapikan sang dengue ang nagapabilin sa mga district hospitals. (AGB)