39-anyos nga Lalaki, Ginpa-preso sang iya Amay matapos ginkawat ang ila Kanding

Igbaras, Iloilo — Ginpapreso sang amay ang iya bata sa Barangay Catiringan, Igbaras bangud ginkawat ang ila nga kanding.

Suno sa amay nga si Victor Eigo, 67 anyos, nakibot siya sang natukiban kaina sang aga nga nadula ang iya nagabusong nga kanding.

Nadakpan sang mga pulis ang iya man lang bata nga si Loreto Eigo alyas Boy Muslim, 39-anyos, sa Igbaras livestock market nga tuyo ibaligya ang kanding.

Ginpapreso ni Victor ang iya bata pero ginpaguwa man kaina sang udto. Ginbalik naman sa amay ang kanding. (JoMaque)