December 1, 2021

Monica-Blumentritt City proper JingJing Espinosa, Nagsurrender sa Korte bangud sang Kaso nga Frustrated Murder

Read Time:1 Minute, 21 Second

Iloilo City —  Nagsurrender sa korte si Monica-Blumentritt City Proper barangay kagawad Jesus “JingJing” Espinosa Jr kadungan sang hearing para sa kanselasyon sang iya piyansa sa kaso nga frustrated murder.

Si Espinosa upod si Robinito Malaga ang napamatud-an nga guilty bilang accomplice kag principal suspect sa kaso.

Gin-affirm sang Court of Appeals 18th Division ang desisyon sang RTC Branch 31 sa idalum sadto ni Retired Judge Rene Hortillo sa kaso ni Espinosa nga napetsahan Hulyo 10, 2010.

Nag-file sadto sang Review for certiorari ang kampo ni Espinosa pero gin-deny sang korte.

Na-delay ang pagserbe sang sentensiya sa mga akusado bangud nag-retiro ang mga judges nga nag-uyat sang kaso kag natukiban lang sang nag-imbentaryo sang mga records ang korte.

Suno kay JingJing Espinosa, ginpakamaayo niya nga magpa-preso sa BJMP sa baylo nga magpabilin sa guwa sang prisuhan.

Nagapati si Espinosa nga sigurado ang iya kaluwasan sa sulod sang prisuhan bangud sang mga pamahog sa iya kabuhi paagi sa text kag tawag sa telepono.

May nagapahog sa iya nga maghalong bangud siya ang masunod kag madali na lang ang iya mga inadlaw.

Ginpabutyag ni Espinosa nga antes siya nagdesisyon gna magsurrender, may naga-casing sa iya balay.

Nagguwa si Espinosa, duha ka adlaw matapos gin-search sang Regional Anti-Illegal Drug Special Operations Group ukon RAIDSOG sa iya balay sa diin narecover ang mga pusil kag shabu.

Si Espinosa ang gin-identify sang PDEA 6 nga drug group leader sa idalum ni Melvin Odicta.

Isa man ini sa mga naka-upod sa grupo nga nagtuyo magsaka sa Aksyon Radyo Iloilo sang Nobyembre 19, 2015. (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Bana nga Nakadakup sa iya Asawa nga Nagapakighilawas sa Taxi driver, Nagdesisyon nga Indi na Mag-file sang Kaso bangud sa ila Kabataan
Next post Abogado sang Ginpatay nga Mag-asawa Melvin kag Meriam Odicta nga si Atty. Edeljulio Romero, Ginpaidalum sa Oplan Katok sang Molo Police