Barangay Kagawad nga High Value Target Drug Personality sa Listahan sang Concepcion Police, Nadakpan sa Buybust Operation

Concepcion, Iloilo–Nadakpan sa buybust operation ang barangay kagawad nga high value target drug personality sa listahan sang mga pulis.

Nagapangatubang sang kaso nga paglapas sa Comprehensive Dangerous Drugs Act of 2002 si Barangay Kagawad Rodney Camayudo, 42-anyos sang Barangay Bagongon, Concepcion.

Nakuha kay Camayudo ang tatlo ka sachets sang suspected shabu kag one thousand pesos nga buybust money. May narecover man sa iya nga P2,900 nga cash.

Preso na si Camayudo sa karsel sang Concepcion Municipal Police Station. (AGB)