Uncategorized

(UPDATE) Driver sang Leganes Highway Jeep nga Nag-viral Bangud sa Pagsing-al sa Iya Pasahero nga Babaye, Nag-sorry!

Iloilo City–Gin-ako sang driver sang Leganes-SM Highway nga jeep nga nagdaku ang iya tingog matapos ginmuno sang babaye nga pasahero kun ngaa wala pa ini nakalakat bisan nag-greenlight na. Kasunod ini sang pag-viral sang iya video nga nagawaldati sa iya pasahero samtang pabalik ang salakyan sa Leganes sang Oktubre 5.

Suno kay Clemente Flores sang Balantang, Jaro, nagtunog ang tingog niya bangud nga naga-ulan kag may trapal ang salakyan. Nag-sorry man ini sa iya pasahero. Natabuan lang suno sa iya nga pigado ang iya biyahe gani wala siya nakapugong kag nahambalan niya ini nga magsakay na lang sa taxi.

Nakilala si Flores matapos naglapta sa Facebook ang video sang iya ginhimo. Ginpahayag ni Flores nga gintawgan sang LTFRB 6 ang operator sang ginamaneho niya nga jeep matapos nakita ni LTFRB 6 legal officer kag spokesperson Atty. Joemarie Lamparero ang video. Nagpasalig si Flores nga indi na masulit ang natabu. (AGB)

 

Leave a Reply