Nagpakilala nga Bata-Bata sang Ginpatay nga si PDEA-identified Drug Group Leader Melvin Odicta, Nadakpan sa Buybust Operation

Iloilo City–Nadakpan ang lalaki nga nagpakilala nga bata-bata sang ginpatay nga si PDEA-6 identified drug group leader Melvin Odicta.

Na-aresto si Angelo Robles alyas Diokno, 46-anyos sang Salvacion Habog-Habog, Molo, sa buybust operation kaina sang kaagahon. Nakuhaan siya sang 13 ka sachets sang suspected shabu, P300 nga buy bust money, P500 nga cash kag 38 caliber revolver nga may anum ka bala.

Suno kay Robles, ginhatagan siya sadtu ni Odicta sang P5,000 agud nga i-negosyo niya sang isda pero wala niya nahimo bangud gin-una niya bakal ang mga kinahanglan sa balay. (AGB)