November 29, 2021

ABC President kag Ex-Officio SB Member sang Ivisan, Capiz, Arestado sa Buybust Operation

Read Time:46 Second

Capiz–Todo panghiwala si Ivisan ABC president kag ex-officio SB Member Elmor Boluso, 54-anyos sang Mabini Street, Poblacion Sur nga siya ang nagapanag-iya sang mga na-recover nga illegal drugs sa buybust operation kahapon.

Nadakpan si Boluso sa operasyon sang Philippine Drug Enforcement Agency ukon PDEA 6 sa Barangay Poblacion Sur. May nakuha ang mga operatiba nga daku nga sachet sang suspected shabu.

Suno kay Boluso, matinlo ang iya konsensya kag wala siya nagabaligya sang illegal nga druga. Ginrason niya nga may legal siya nga negosyo kag sa pagpamatuod, madamu pa siya sang utang.

Gin-ako naman ni Boluso nga naka-agi siya gamit sang illegal drugs apang madugay na nga nag-untat.

Una na ginkumpirmar ni PDEA 6 Public Information Officer David Garcia nga nagabaligya kag nagagamit sang illegal nga druga si Boluso. Ginakabig sang PDEA 6 nga high-value target drug personality si Boluso bangud empleyado ini sang gobyerno. (AGB)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Menor de Edad, Nagreklamo nga Ginsakit sang Policewoman matapos Nag-ako nga Nagkawat sang Kuwarta
Next post Manubalut, Nabun-an sa Jaro