December 1, 2021

Policewoman nga ginatudlo Nagsakit sa Menor de Edad nga Nag-ako nga Nagpangawat sa Bingawan, Nagpanghiwala sa Akusasyon sa Iya

Read Time:57 Second

Bingawan, Iloilo — (UPDATE)  Lunsay ginpanginwala ni SPO1 Hasmin Frial sang Women and Children Protection Desk sang Bingawan Police Station ang mga akusasyon nga gintuslok sini sang ballpen sa baba kag ginpakdol sa ulo ang 12-anyos nga bata nga babaye nga nag-ako nga nagkawat sang kwarta.

Suno kay Frial, kabutigan ang akusasyon nga ginsakit niya ang bata kag ginhambalan pa sang masakit nga mga tinaga ang iloy sini nga si alyas Angga.

Gintadlong man ni Frial nga nagalab-ut sa 60 mil pesos ang nadula nga kwarta suno sa tagreklamo samtang narecover ang bilin nga P18, 650.

Ginpahayag sang police woman nga kaupod niya nga nagkadto sa balay sang suspek ang mga barangay officials.

Dugang ni Frial, 10 ka tuig na siya nga nagahatag sang bulig sa WCPD gani wala sang kamatuoran nga gin-harass niya si Nene kag ang iloy sini.

Gin-athag ni Frial nga Affidavit of Non Interest ang ginpapirma sa pamilya sang bata.

Wala na sang plano ang tagreklamo nga magpasaka sang kaso suno kay SPO1 Frial sa kondisyon nga amat-amaton sang pamilya sang suspek nga bayaran ang nabilin nga P40,000. (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post 4 ka mga Police Personnel, Ginbutang sang Jaro Police Station sa Brgy. Desamparados kasunod sang Request sang Pamilya Jablo
Next post Duha ka Beautician sa Lapuz, Dakup sa Buybust Operation