Hearing sa Imbestigasyon sa Tatlo ka Punong Barangay sa Syudad May Kaangtanan sa Illegal Drugs, Hiwaton Subong nga Aga!
Iloilo City–Magahiwat sang committee hearing subong nga aga ang Committee on Police Matters sang City Council may kaangtanan sa resolution ni Councilor Plaridel Nava nga imbestigaran ang tatlo ka punong barangay may kaangtanan sa isyu sang illegal drugs.
Liwat nga ginsaylo ang petsa sang hearing base sa text message nga nabaton sang Aksyon Radyo Iloilo halin kay Councilor Jeffrey Ganzon, chairman sang komitiba. Una nga gintalana ang hearing sa Oktubre 17.
Sa pinakaulihi nga information halin kay Ganzon, alas-9 subong nga aga masugod ang hearing sa conference room sa 6th floor sang City Hall.
Gin-imbitar nga resource persons sanday PDEA-6 Director Atty. Gil Pabilona kag ICPO Director PSSUPT Remus Zacharias Canieso. Mangin available naman sa masunod nga hearing si Atty. Ferdinand Panes sang city DILG kag imbitado ang tanan nga konsehal. (AGB)