ICPO Director Remus Zacharias Canieso, Solo nga Resource Person sa Preliminary Hearing sang City Council sa Isyu sang Illegal Drugs sa 3 ka Barangay sa Syudad

Iloilo City —  Naga-isahanon si ICPO Director Remus Zacharias Canieso nga nagtambung sa preliminary hearing sang Committee on Police Matters sang city council may kaangtanan sa isyu sang illegal nga druga sa tatlo ka barangay sa syudad.

Wala nakatambung si PDEA 6 Director Atty. Gil Pabilona bangud nga hapon na kahapon nag-abot ang imbitasyon sang komitiba nga ginapamunuan ni Councilor Jeffrey Ganzon.

Ginsulit naman ni Ganzon nga preliminary hearing pa lang ang ginhimo bangud kinahanglan nila magtipon sang nagakaigo nga impormasyon antes ipatawag sanday punong barangay Keith Dabing Espinosa sang Monica-Blumentritt, City Proper; Remia Prevendido-Gregori sang Bakhaw Mandurriao kag Noemi Jablo sang Desamparados Jaro.

Ang tatlo ka barangay kapitan amo ang nabutang sa resolution ni councilor Plaridel Nava nga dapat imbestigaran agud madeterminar kon may salabton sila sa paglapta sang illegal drugs sa ila lugar. (JoMaque)