August 15, 2022

18 ka Barangay sa Syudad, Narecord sang City DILG nga wala Nagapanglimpiyo kun Sabado nga Clean-up Drive

Read Time:48 Second

Iloilo City — Usisaun ni Liga president kag Ex-Officio City Councilor Reyland Hervias ang rason kon ngaa wala nakapanglimpyo ang 16 sa 180 ka barangay sang syudad sang nagligad nga bulan.

Base ini sa ginsumiter nga report sang City DILG sa opisina ni Councilor Candice Tupas nga proponent sang Resolution Number 2016-355 nga naga-establisar sang kada sabado nga cleanup day sang mga barangay officials agud matapna ang kaso sang dengue kag iban pa nga balatian nga dala sang lamok.

Pirmado ang record ni City DILG Director Atty. Ferdinand Panes.

Base sa record, wala nakapanglimpyo sa Arevalo ang Bonifacio, Calaparan, Dulunan, Sto. Domingo, Sto. Niño Norte kag Yulo Drive.

Sa City Proper, narecord nga wala nagpanglimpyo sang Setyembre ang Hipodromo, Magsaysay, Maria Clara kag Yulo Arroyo; San Jose sa Jaro; Aguinaldo, Hinactacan, Laguda kag Nabitasan sa La Paz; Jalandoni Estate sa Lapuz kag North San Jose kag Poblacion sa Molo.

Nakapanglimpyo naman ang 18 tanan ka barangay sa Mandurriao.  (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post POLICE SSUPT RODERICK AUGUSTUS ALBA, GIN-RELIEVE BILANG DIRECTOR SANG IPPO
Next post Duha ka Punong Barangay, Nanginwala sa Report sang City DILG nga Wala Sila Nagapaninlo kon Sabado