Babaye nga taga-Molo, Nagreklamo matapos Gingamit ang iya Litrato sa Nagalagaw nga Solicitation Letter nga Patay na

Iloilo City — Ginkakibot ni alyas Lory sang Calumpang Molo nga yara sa naglagaw nga solicitation letter ang iya litrato nga patay na.

Nakita sang hinablos ni Lory ang litrato sang sulat sang nagpangayo sang amot ang duha ka mga lalaki sa establisimento nga gina-obrahan sang iya pakaduha sa Molo.

Ginpalab-ot ni Lory kay San Rafael, Mandurriao punong barangay Azucena Tabuyoc ang problema bangud nabutang sa solicitation letter ang pangalan sang barangay.

Nakita man sa sulat ang pangalan ni Francisco Sanchez nga amu ang punong barangay sang San Rafael kag barangay kagawad Ramil Magbanua nga suno kay kapitan Tabuyoc, indi mga barangay officials.

Gingamit man sa naglagaw nga solicitation letter ang logo sang syudad sang Iloilo sa baylo nga iya sang Barangay San Rafael.  (JoMaque)