LTO 6, Nag-ako nga Wala sang Mahimo sa On-road Parking sang mga Dalagku nga Trucks sa National Highways

Iloilo City — Wala sang mahimo ang Land Transportation Office ukon LTO 6 sa on-road parking sang dalagku nga mga trucks sa national highways.

Gin-ako ni LTO 6 Assistant Director Nina De Ocampo nga indi sila makapangdakup subong bangud nga gin-relieve ang ila tanan nga law enforcers.

Ipalab-ut ni De Ocampo ang isyu kay LTO 6 director Denis Singzon kon makabalik na ini sa syudad.

Sang damlag lang, napatay ang 19-anyos nga babaye nga pasahero sang Isuzo D-max matapos nga nagbunggo sa bulig sang 10-wheeler truck nga naka-park sa kilid sang karsada sa Guzman-Jesena Street Mandurriao ang salakyan. (JoMaque)