Balay ni PDEA 6-identified Drug Group Leader Richard Prevendido kag iya mga Hinablos sa Bakhaw Mandurriao, Gin-raid sang PDEA operatives

Iloilo City — Ginabanta sa P1.3 milyon ang balor sang narecover nga mga illegal drugs sa balay sang tatlo ka subjects sang search warrant sa Bakhaw Mandurriao.

Ginalakipan ini sang balay nanday B0ni Prevendido-Gregori, Ednie Gimena kag ni PDEA-identified drug group leader Richard Prevendido.

Suno kay Philippine Drug Enforcement Agency (PDEA 6) Asst. Regional Director Levi Ortiz, 20 ka sachets sang suspected shabu ang narecover sa balay ni Boni Gregori nga ginabanta nagabalor sang P250,000.   P300,000  naman ang estimated value sang 7 ka dalagko nga sachets sang shabu nga nakuha sa balay ni Ednie Gimena.

Sa balay naman ni Richard Prevendido narecover ang 21 ka sachets sang illegal drugs nga ginabanta nagabalor sang P500,000.

Ginpahayag ni Ortiz nga wala pa dire nalakip ang P130,000 nga balor sang nakuha man nga illegal drugs sa buybust operation batuk kanday Troy Prevendido kag ariel Prevendido alyas “Shabu”.

Wala naman sa ila mga balay sanday Gregori, Gimena kag Prevendido sang gin-raid sang mga operatiba sang PDEA 6. Nakapalagyo naman sanday Troy kag Ariel Prevendido apang nadakpan sanday Rodolfo Pasan Jr, Joe Vincent Suelon kag Ma Beauty Dela Cruz, ang live-in partner ni Troy Prevendido. (JoMaque)