Anti-Drug Clearing Operations sa mga Barangay sa Probinsya, Pagatutukan sang IPPO

Iloilo — Pagatutukan sang Iloilo Police Provincial Office ang anti-drug clearing operations sa mga barangay.

Pa-athag ni IPPO Director Harold Tuzon, gina-antisipar nila nga maubos gid dakup ang mga drug personalities sang kada banwa.

Kon matabu, magatutok na sila sa mga barangay agud masiguro nga ma-clear sa illegal drugs.

Kinahanglan sa pagdeklarar nga drug-cleared na ang barangay ang certification sang Barangay Anti-Drug Abuse Council (BADAC), Municipal Anti-Drug Abuse Council (MADAC) kag police.

Hugot man ang pagmonitor suno kay Tuzon sa mga drug surrenderers antes ang deklarasyon nga wala na gid sang illegal drugs sa barangay.

Ginakilala kag ginapasalamatan naman ni Tuzon ang aktibo nga partipasyon sang mga local chief executives sa anti-drug campaign. (JoMaque)