December 2, 2021

Taxi Driver, Gindayaw Matapos Ginbalik ang Wallet sang iya Pasahero nga Naga-unod sang Daku nga Kantidad

Read Time:43 Second

Iloilo City–Wala gid natentar ang taxi driver sa unod sang nabilin nga wallet sa iya taxi.

Ginbalik ni Rolly Fantilanan, 35-anyos sang Barangay Talacuan, Leon kag driver sang 3 Brothers Taxi, ang wallet nga naga-unod sang masobra P18, 000. Nabilin ang wallet sang pasahero ni Fantilanan nga naghalin sa Smallville Complex padulong sa Fastcraft Terminal sa Lapuz.

Ulihi na lang natalupangdan ni Fantilanan ang wallet gani nga nagbalik sa terminal pero wala na naabtan ang pasahero nga nakilala kay Melton Lalisan sang Bacolod City. Nagdiretso ang driver sa Aksyon Radyo Iloilo kag ginturn-over ang wallet. Suno sa iya, ginbalik niya ang wallet bangud posible kinahanglan sang tag-iya ang kwarta.

Na-contact naman ang tag-iya sang wallet kag daku ang pagpasalamat sini sa driver. Suno kay Lalisan, talagsa na lang siya makakita sang tampad nga driver pareho ni Fantilanan. (AGB)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Comittee Hearing sa Proposed 2016 Annual Budget sang Probinsya, Hiwaton sa Masunod nga Semana–BM Niel Tupas
Next post (UPDATE) PO1 nga Gintudlo Nagtiro Patay sa Tag-iya sang Videokehan sa Concepcion, May Problema sa Pamatasan–IPPO Director