Pulis nga Nagtiro Patay sa Tag-iya sang Videokehan sa Concepcion, Natukiban nga may Pending nga Kaso Administratibo sa NAPOLCOM

Iloilo City — (UPDATE)  May pending nga kaso administratibo sa National Police Commission (NAPOLCOM) si PO1 JV Longno.

Ginkasuhan si Longno sang Conduct Unbecoming of a Police Officer kasunod sang iya pagpanapote sa Sara sang Marso 10, 2010.

Yara na sa NAPOLCOM Central Office ang kaso kag wala pa nakapaguwa sang resolution ang Commission en Banc.

Si Longno nga assigned sa Regional Public Safety Battalion ang ginpasakaan snag kaso mga murder kag frustrated murder sa Provincial Prosecutor’s Office.

Kasunod ini sa pagtiro patay sang pulis sa tag-iya sang videokehan sa Brgy. Lo-ong, Concepcion nga si John Namud alyas Junjun kag pagtiro kay Lyndy Franco nga napilasan sa paa.  (JoMaque)