“White House” ni Mayor Jed Mabilog, Ginbuksan sa mga Katapo sang Media agud Pamatud-an nga Wala Naghalin sa Illegal nga Druga ang Kuwarta nga Ginpatindog sang Balay

Iloilo City — Ginpanindugan ni Mayor Jed Patrick Mabilog kag iya asawa nga si Marivic nga ila ginpangabudlayan an pagpatindog sang balay sa Barangay Tap-oc, Molo.

Ginbuksan sang mag-asawa ang balay sa mga miembro sang Iloilo City Hall Press Corps kag gin-athag nga indi tuman kamahal kag bisan ang seaman sa abroad, makasarang man sa pagpatindog sang kasubong nga balay.

Ginpahayag ni Mrs. Mabilog nga napatindog ang balay halin sa iya sinuptan samtang nagatrabaho sa Canada kag indi sa illegal nga druga.

Si Mayor Mabilog ang gina-imbestigaran sang Task Force AGILA sang Department of Interior and Local Government (DILG) matapos ginhingadlan ni Presidente Rodrigo Duterte nga protector sang illegal drugs. (JoMaque)