High Value Target sang Molo–Roland Torpio alyas Apa, Ginpakamaayo nga Ma-pero bangud sa Kahadlok nga Patyon
Iloilo City — Ginpakamaayo ni High Value Target Level 2 drug personality Ronaldo Torpio alyas Apa/Striker sang South San Jose, Molo nga mapreso sang sa mapatay.
Kasunod ini sang motion sang iya abogado nga pag-withdraw sang surety bond ukon P40,000 nga piyansa sa kaso nga paglapas sa section 12 sang Republic Act 9165 ukon possession of drug paraphernalia.
Nagapati si Torpio nga naglinong ang iya kabuhi pagkatapos nga nagsurrender sa Oplan Tokhang sang Hulyo 6 apang madamu gihapon sang nabaton nga pamahog bisan pa nga didto siya sa Metro Manila.
Suno sa iya, mas maayo nga sa Bureau of Jail Management and Penology (BJMP) sa Nanga Pototan agud indi mabutang sa katalagman ang iya kabuhi lakip na ang iya pamilya.
Nakabaton man sang impormasyon si Torpio nga patyon ang iya hinablos kun indi magpakita sa mga otoridad.
Iya man gin-ako nga nagabaligya siya sang illegal nga druga umpisa sang 2013 kag nag-untat lang sang nagpangalagad si Presidente Rodrigo Duterte sang Hulyo. (JoMaque)