Lalaki sa Arevalo, Patay Matapos Ginbuno sang Iya nga Kasilingan

Iloilo City–Patay ang 41-anyos nga lalaki sa Zone 15 Barangay Calaparan, Arevalo nga ginbuno sang iya kasilingan.

Ginhingagaw pa dala sa Iloilo Doctor’s Hospital si Rady Pilara apang wala gid natabangan bangud sang pilas sa wala nga ilok. Gintudlo nga nagbuno sa biktima si Roberto “Jopol” Tan, 40-anyos, nga nagpalagyo pagkatapos sang natabu.

Nagpanawagan ang bata ni Tan nga si Angel nga magsurrender na ini bangud suportahan gihapon nila bisan ano ang matabu. (AGB)