PSA: 4.48 Million na ang Populasyon sa Western Visayas

Nagalab ot na sa 4.48 ka milyon ang populasyon sa Western Visayas tubtub Agosto 1, 2015.

Sa data sang Philippine Statistics Authority (PSA), nagtupa sa ika-10 nga lugar ang Region 6 sa 18 ka mga rehiyon sa national population count. Nagsaka sang 282, 668 ukon 1.25% ang latest figure kon ikumparar sa 4.19 ka milyon nga populasyon sang 2010.

Base man sa data sang PSA,  yara sa 447, 992 ang populasyon sang syudad sang Iloilo samtang 1.9 ka milyon sa Iloilo province.

Ang Pavia ang ginakabig nga fastest growing municipality samtang Oton ang most populous municipality. Most populous barangay sa rehiyon ang Calumpang, Molo.

Suno kay PSA 6 Regional Director Engr. Fred Sollesta, nagapanguna ang Iloilo sa Western Visayas nga may pinakadaku nga populasyon bangud sang madamo nga negosyo. Sentro man sang edukasyon ang Iloilo. (AGB)