Uncategorized

48 ka mga Drug Personalities sang Waterfront Barangays nga Nagpaidalum sa Drug Rehab sa Camp Delgado, Nag-graduate na

Iloilo City — Nagapati si Senior Supt. Christopher Tambungan, chief sang Regional Directorial Staff sang PRO 6 nga indi magbalik sa ilka bisyo ang 48 ka mga drug personalities sang waterfront barangays.

Si Tambungan nga amo ang program director sang drug rehabilitation, nagpabutyag nga samtang gina-rehab ang nasambit nga drug personalities, makaduha sila ka beses nga ginpa-drug test kag negatibo ang resulta.

Padayon ang pag-monitor sang pulis kag mga barangay officials sa 48 ka drug personalities nga na-graduate agud mapat-ud nga nagbag-o na sa ila kabuhi.

Naghalin ang 48 ka drug personalities sa kabarangayan sang Concepcion, Duran, Veterans Village, General Hughes kag Zamora City Proper.

Ginpahayag ni Tambungan nga ang 48 ka durugista nga nag-graduate amu ang maga-facilitate sa masunod nga batch nga ipaidalum sa drug rehabilitation program.

Gingastuhan ang programa sang foundation halin sa Cagayan de Oro City kag ginpatigayon sang Police Regional Office 6. (JoMaque)

Leave a Reply