December 2, 2021

Magbayaw, Nadakpan sa Entrapment Operation Bangud sa Ginpahayag Pag-abduct kag Pagbugaw sa 14-anyos nga Babaye sa Ajuy

Read Time:48 Second

Iloilo–Natalana nga pasakaan sang kaso ang magbayaw nga gintudlo nga nag-abduct kag nagbugaw sa 14-anyos nga babaye sa Ajuy.

Suno kay PCI Charlie Sustento, hepe sang Ajuy Police Station, nadakpan sa entrapment operation sa Ceres Terminal sa Camalig, Jaro kahapon. Nagpalab-ut sang reklamo sa police station ang ginikanan ni alyas Grace nga wala na ini nakapauli matapos nagbisita sa patyo sang All Saints’ Day.

Gintudlo sanday alyas Richard sang Janiuay kag alyas Ronald sang Ajuy nga nag-abduct kay Grace. Ginpahayag nga ginkuhaan sang mga suspek sang litrato si Grace nga hublas kag ginpost sa Facebook.

Gincontact pa sang mga suspek ang abyan ni Grace nga si alyas Faith kag ginhambalan nga magpadala man sang nude picture.

Nadakpan sanday Richard kag Ronald sa joint operation sang Ajuy kag Jaro police matapos nagpasugot si Faith nga magpakigkita sa ila sa bus terminal. Si alyas Grace ang yara naman sa kustodiya sang Department of Social Welfare and Development. (AGB)

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Memorandum sa Pag-untat sang Fixed Checkpoints, Nabaton na sang PRO-6 halin sa PNP National Headquarters
Next post (UPDATE) Mga biktima sang Pagpangastigo sang Rumpage sa Tata Linagaan sa Mandurriao, Indi na Magpasaka sang Kaso sa Kahadlok nga Hingabuton ang ila Pamilya