31 Anyos Nga Lalaki Ginbuno Sang Ginprendahan Sang Cellphone Matapos Natukiban Nga Gubaon Ini

Iloilo City-Gindala sa ospital ang 31-anyos nga lalaki matapos ginbuno sang ginprendahan niya sang cellphone sa Zone 3, Brgy. Calumpang, Molo.

Ginkilala ang biktima kay Wellen Sy, 31 anyos  sang Zone 2, Brgy. San Juan, Molo nga may pilas sang pagkabuno sa likod.

Suno kay PO1 Miko John Siganog, imbestigador sang Molo Police Station, naakig kag ginbantayan sang suspetsado nga ginkilala kay Jemar Tropio, 44-anyos sang Brgy. Calumpang,  Molo ang biktima kag ginbuno bangud gubaon ang cellphone nga ginprenda sini sa iya.

Estable na ang kondisyon ni Sy samtang preso sa karsel sang Molo Police Station si Tropio.

(AT)