Uncategorized

Utod sang Barangay Kapitan sang Cagbang, Oton, Nadakpan sa Buybust Operation

Oton, Iloilo–Nakahibi si Cagbang Punong Barangay Margarito “Garry” Clavel samtang nagapahayag nga nahaw-asan siya kag nakakasan sang tunok matapos na-aresto sa PDEA-6 operation ang iya manghod kagab-i.

Nadakpan si Alberto Clavel kag asawa sini nga si Marivic sa drug bust sa ila balay sa Cagbang kagab-i sa diin nakuha ang 13 ka plastic sachets sang suspected shabu kag 500 pesos nga buybust money. Suno sa punong barangay, wala gid siya nagkulang sa pagsaway sa iya manghod sang nahibaluan niya nga nagagamit ini sang illegal nga druga.

Ginakulbaan man ini kada maglakat ang utod bangud posible nga may malain nga matabu dire. Gin-ako man sang kapitan nga wala niya ginlakip sa iya barangay anti-drug abuse council ukon BADAC report ang iya utod. (AGB)

Leave a Reply