Affidavit ni Albuera, Leyte Mayor Rolando Espinosa, Indi na Mapuslan Matapos nga Napatay sang CIDG Operatives ang Alkalde sa iya Selda suno sa Ilonggo nga Abogado
Iloilo City–Mangin wala na sang pulos ang gin-file nga affidavit ni Albuera, Leyte Mayor Rolando Espinosa angut sa iya mga nahibaluan sa drug trade sang iya bata nga si Kerwin Espinosa.
Suno kay Atty. Dan Cartagena, indi na magamit sa korte ang affidavit bangud patay na ang akusado. Posible nga wala naglaum ang mga otoridad nga mapatay si Espinosa. Duda naman si Cartagena nga nagbato si Espinosa sang ginserbihan sang search warrant sang mga operatiba sang Criminal Investigation and Detection Group ukon CIDG 8.
Nangin cooperative man suno sa iya ang alkalde sa mga otoridad sa nakaligad sini nga aktuwasyon kag pamatuod dire ang pagpagpapreso niya bangud sa kahadlok nga mapatay.
Ginpanindugan sang mga CIDG operatives nga nagbato si Espinosa kag isa pa ka inmate nga si Raul Yap sang Sabado sang kaagahon. Nagpasalig ang Police Regional Office 8 nga imbestigahan ang natabu. (AGB)