December 7, 2021

Hepe sang Albuera Leyte Police Station PCI Jovie Espenido, Nagapati nga Kuwarta kag Personal nga Interest ang Rason sang Pagpatay kay Albuera Mayor Rolando Espinosa

Read Time:56 Second

Iloilo City — Kwarta kag personal nga interest ang rason sang pagpatay kay Albuera Mayor Rolando Espinosa sa iya selda sa baybay Sub-Provincial Jail sa Baybay City Leyte sang Sabado.

Suno kay Chief Inspector Jovie Espenido, hepe sang Albuera Police Station, mabaskug ang nabunggo ni Mayor Espinosa nga nagtudlo sa dalagku nga mga pangalan lakip na kay former Justice Secretary kag subong Senator Leila De Lima nga nagbaton sang drug money halin sa iya bata nga si Kerwin, ang ginakabig daku nga drug lord sa Eastern Visayas kag preso naman subong sa police station sa Abu Dhabi UAE.

Tuman ka istrikto suno kay Espenido ang pagsulod sa jail facility sa Baybay kag napamatud-an niya ini sang ginremit sa presuhan si Mayor Espinosa gani nakibot siya sang napatay ini sang mga operatiba sang CIDG 8 bangud ginpahayag nga nagbato sang serbihan sang search warrant.

Aminado naman si Espenido nga seryoso si Presidente Rodrigo Duterte sa kampanya kontra illegal nga druga pero dapat nga ipaagi sa legal nga proseso.

Kon may mahimo nga sala ang mga pulis sa field, dapat nga pasakaan sang kaso suno pa kay Espenido. (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post PRO-6, Magalunsar sang Libre nga Drug Test sa mga Drivers sang Depasahero nga Salakyan
Next post Ginakabig nga High Value Target Drug Personality sa Bakhaw Mandurriao, Nadakpan sa Buybust Operation sa Sambag Jaro