December 7, 2021

Carles Mayor Siegfredo Betita kag Maasin Mayor Mariano Malones, Nagpasalig sang Suporta sa mga Pulis bisan Ginkakasan sila sang Deputation

Read Time:48 Second

Iloilo–Indi mabuhinan ang suporta nga ihatag ni Carles Mayor Siegfredo Betita sa kapulisan sa pihak sang pagbawi sang National Police Commission sang iya deputation.

Suno kay Betita, maga-coordinate gihapon sa iya ang kapulisan bangud ang municipal government ang nagahatag sa ila mga kinahanglanon. Wala man sang epekto kay Betita kun madulaan man siya sang control sa kapulisan. Ang importante suno sa iya nga handa siya gihapon magbulig bilang kabahin sang iya obligasyon.

Wala sang plano si Maasin Mayor Mariano Malones nga mag-apelar sa NAPOLCOM agud ibalik ang iya deputation. Padayunon man ni Malones ang suporta kag kooperasyon sa kapulisan.

Nagpaguwa sang resolution ang NAPOLCOM nga nagakakas kag naga-revoke sa tanan nga duties, obligasyon kag prerogatives sang mga mayors sa Region 6 nga nalakip sa narco list ni Presidente Rodrigo Duterte.

Magluwas kanday Betita kag Malones, ginbawian man sang deputation sanday Calinog Mayor Alex Centena, Hamtic Mayor Julius Ronald Pacificador kag Iloilo City Mayor Jed Patrick Mabilog. (AGB)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Mga Drug Protectors, Na-identify sa Project Double Barrel Alpha sang PNP–PRO-6
Next post Mga Empleyado sa City Hall nga Ginadudahan nga May Kaangtanan sa Illegal nga Druga, Ginapa-monitor ni Mayor Jed Patrick Mabilog