December 4, 2021

Ordinansa nga Magadumili sang Magahod nga Tambutso sang Motorsiklo, Plano Iduso ni Councilor Joshua Alim

Read Time:42 Second

Iloilo City–Plano ni Councilor Joshua Alim nga magpasar sang ordinansa nga magadumili sa tuman ka gahod nga tambutso sang motorsiklo.

Ini suno sa konsehal bilang kunsiderasyon man sa iban nga nagakaling-an sa gahod halin sa motorsiklo. Ginpahayag ni Alim nga madamo na siya sang nabatian nga reklamo sa open pipe ukon may modified mufflers nga mga motorsiklo nga nagatuga sang terible nga gahod. Posible suno kay Alim nga indi lang pag-i-limit sa motorsiklo ang iya iduso nga ordinansa.

Madamo naman ang nagpasugot sa plano sang konsehal. Kalabanan sa mga ini nagareklamo sa ila kasilingan nga may magahod nga motorsiklo nga naga-disturbo naman sa ila katulugon kun gab-i.

Nagapangabay bisan ang taga-probinsiya nga kun mahimo magpasar man sang kasubong nga ordinansa para madumilian man ang tuman ka gahod nga motorsiklo sa ila lugar. (AGB)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Motorsiklo sa Pototan, Nagsuhot sa Truck; Driver Patay!
Next post Mga Establisemento sa Syudad, I-require nga Magbutang sang Suga sa Guwa sang ila Puwesto