July 6, 2022

Mga Bar Personnel sa Smallville Complex, Ginsapol ni ICPO Director PSSUPT Remus Zacharias Canieso!

Read Time:44 Second

Iloilo City–Ginsapol ni Iloilo City Police Office ukon ICPO Director PSSUPT Remus Zacharias Canieso ang mga bar personnel sa Smallville Complex sa Diversion Road, Mandurriao angut sa istrikto nga pagpatuman sang liquor ban sa mga menor-de-edad.

Kasunod ini sang pagtiro patay kay Vincent Albert Tan, 17-anyos sang Ticud, Lapaz sang Domingo sang kaagahon. Suno kay Canieso, sa tion nga mag-inum inum ang mga pamatan-on kag mahubog, nagaluntad ang gamo ilabe na kun makasugata sang iban nga grupo.

Ang malain pa suno sa iya kun armado sang pusil, kutsilyo kag iban pa nga hinganiban ang grupo nga involved sa gamo. Nagapati si Canieso nga kun dumilian ang mga menor-de-edad nga mag-inum sa mga bars, malikawan ang anuman nga insidente.

Plano ni Canieso nga butangan ang mga ilimnan sang tarpaulin nga may nasulat nga ‘No Serving of Liquors to Minors.’ (AGB)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Operation Bakal, Ginhingyo ni Councilor Joshua Alim nga Ibalik sang ICPO
Next post Apat ka Police Officials nga Nalakip sa Narco List ni Presidente Rodrigo Duterte, Ginkasuhan na sang NAPOLCOM 6