Lokal

Duha Patay sa Aksidente sa Motorsiklo sa Molo

Iloilo City — Isa patay kag isa ang kritikal ang kodisyon matapos nakabunggo ang motorsiklo sa poste sang Panay Electric Company ukon PECO sa Brgy. Compania Central, Molo kaina sang kaagahon.

Gindala pa sa The Medical City si Nelmar Palma sang Alimuno, Passi City kag driver sang motorsiklo apang gindeklarar nga napatay bangud sa patal nga pilas sa ulo.

Napatay man sa Western Visayas Medical Center ang backrider nga si Nilo Rodriguez sang Brgy. Tubigan, Zarraga nga may pilas man sa ulo.

Ginpahayag sang mga residente nga madasig ang dalagan sa motorsiklo sa kurbadahon nga karsada rason naglapaw sa gutter kag nakabunggo sa poste.

Halin sa smallville Complex, Mandurriao ang mga biktima nga nagselebrar sang kaadlawan ni Rodriguez. (NemesioMartirez)

Leave a Reply