Pulis nga Ginatudlo Nagsulong kag Nagpinalupok sang Pusil sa Lapuz, Nagpanghiwala sa Akusasyon

Iloilo City — (Update) Nanginwala si PO3 Guiller Alacre sa akusasyon sang asawa ni Staff Sergeant Felicito Aguirre nga siya ang nagsulong kag nagpinalupok sang pusil sa Barangay Jalandoni Estate Lapuz sang Nobyembre 14 sang kaagahon.

Suno kay Alacre, una nga nagpalupok si Aguirre. Gin-ako naman sang pulis nga nagpalupok siya bilang depensa sa iya kaugalingon.Wala sang nasamaran sa natabu.

Si Staff Sergeant Aguirre ang assigned sa Military Intelligence Battalion sa kampo delgado samtang si PO3 Alacre ang assigned sa Regional Headquarters Support Group.

Gindis-armahan ni Senior Supt. Christopher Tambungan, chief sang Regional Directorial Staff sa PRO-6, si Alacre kag ginbawian sang tsapa samtang nagapadayon ang imbestigasyon.

Ginpahayag ni Alacre nga mapasaka man siya sang kaso kon kasuhan siya sang mag-asawa nga Aguirre. (JoMaque)