Babaye nga ginbalibaran ni Monsignor Tuvilla nga Magamit sang CR sa Simbahan sang Sta Barbara, Nagaplano magdangup sang Reklamo sa Jaro Archdiocese

Iloilo City — (UPDATE) Plano sang 35-anyos nga babaye nga magpakig-istorya kay Jaro Archbishop Angel Lagdameo agud athagon ang akusasyon ni Monsignor Juanito Tuvilla sang Sta Barbara Parish Church batuk sa iya.

Suno kay alyas Apple, indi matuod ang pasibangud ni Tuvilla sa iya nga wala siya nag-kurtesiya sang nagpangabay nga magamit sang comfort room sang kumbento sang Nobyembre 13 sang aga.

Suno kay Apple, nagtamyaw siya kay Tuvilla antes nagpangabay nga magamit sang CR.

Apang ginbalibaran siya sang pari kag ginrason nga wala ginapagamit sa iban ang CR sang simbahan.

Ginasag-uban kag ginalabhan ang CR sang simbahan gani gina-regulate ang pagamit sini.

Nagatambong sa car show sa plaza sang Sta Barbara si Apple sang gin-abot sang iya ilihion gani nagkadtu ini sa simbahan nga malapit lang sa plaza apang wala siya ginpagamit sang CR. (JoMaque)