Ordinansa sang Syudad nga Nagapahanugot sang 2 ka Barangay sa Jaro nga Patindugan sang Perimeter Boundary Terminals, Gindeklarar sang Korte nga Null and Void

Iloilo City — Gindeklarar sang korte nga null and void ang ordinansa sang syudad nga nagapahanugot sa duha ka barangay sa jaro nga patindugan sang perimeter boundary terminals.

Sa desisyon nga ginpaguwa ni Judge Victorino Maniba sang RTC Branch 39, ginmanduan sini ang mga opisyal sang siyudad nga pauntaton ang pag-implementar sang Regulation Ordinance No. 2014-049 nga nagpahanugot sa Barangay Kamalig kag Buhang Jaro nga puwede patindugan sang perimeter boundary terminals.

Ang amo nga ordinansa ang nangin alagyan agud makapatindog ang Vallacar Transit sang terminal sa Kamalig.

Suno sa korte, ang Regulation Ordinance No. 2014-049 makabig nga invalid ordinance bangud ginpatuman ini pabor sa isa ka tawo ukon sa isa ka kompaniya

Nag-ugat ini sa kaso nga ginpasaka ni Tagbak, Jaro Punong Barangay Jonah Labordo. (JoMaque)