City Administrator, Nagpa-athag nga indi Pabor para sa Vallacar Transit ang Regulation Ordinance 2014-049

Iloilo City–Indi maka-apekto sa Regulation Ordinance Number 2014-015 nga naga-sustain sang franchise sang Vallacar Transit Terminal ang Regulation Ordinance Number 2014-049 nga gindeklarar sang korte nga null and void.

Suno kay City Administrator Atty. Hernando Galvez, wala ginpasar ang Ordinance No. 049 pabor sa Vallacar Transit kundi para sa tanan nga gusto magpatindog sang terminal. Ang 049 nga nagpahanugot sa duha pa ka barangay sa Jaro nga puwede patindugan sang terminal, gindeklarar nga invalid ordinance ni Judge Victorino Maniba sang RTC Branch 39 samtang ang Branch 29 naman nagsustener sa frankisa sang Vallacar Transit.

Kahapon, nagdesisyon ang City Legal Office nga i-apelar ang desisyon sa Court of Appeals. (AGB)