Duha ka Pangayaw, Nadakpan sa Lapaz nga may Dala nga Suspected Illegal Drugs

Iloilo City–Nakuhaan sang suspected illegal drugs ang duha ka pangayaw nga lalaki sa Brgy. Nabitasan, Lapaz kaina sang aga.

Arestado sanday Marvie Marquez, 31-anyos, kag Paul Soledad, 30-anyos sang Bakhaw, Mandurriao matapos nadakpan nga may suspected shabu. Suno kay Punong Barangay Barbara Aroza sang Nabitasan, gindakup sang mga barangay tanod ang duha ka lalaki sang nakita nga nagasumbaganay kag nagalagsanay sa guwa sang covered gym kag ginalagas ni alyas Ron-Ron Guillergan.

Sang ginrekisa ang duha, nakuha sa ila ang apat ka plastic sachets sang suspected shabu, gunting, cellphone kag coin purse.

Ginpahayag nga i-deliver kuntani nanday Marquez kag Soledad ang items kay Guillergan apang natukiban sini nga tawas. (AGB)