Iloilo City Lone District Cong. Jerry Treñas, May Basehan agud Pasakaan sang Kaso Kriminal — former Cong. Raul Gonzales Jr.
Iloilo City — May basehan agud nga pasakaan sang kaso kriminal si Iloilo City Lone District Congressman Jerry Treñas bangud sa pagpaguwa sang isa ka milyon ka pesos nga pondo sa pagkay-o kag pagrestore sang St. Anne Parish Church sa Molo.
Base ini sa nabaton nga sulat ni former Congressman Raul Gonzales Jr halin sa Office of the Ombudsman nga pirmado ni Alfred Yann Oguis, OIC sa Field Investigation Office.
Paathag ni former Congressman Gonzales, ginfile nila ang reklamo sa Ombudsman pagkatapos nga nagtaliwan ang iya amay-former Justice Secretary Raul Gonzales.
Suno sa anay kongresista, nakita nila ang mga papeles nga gintipon sang iya amay gani nga ginfile na lang nila sa Ombudsman.
Magluwas kay Treñas, nadalahig man sa kaso si Consolacion Tormon nga anay City Accountant.
Natabu ang pagpaguwa sang pondo suno kay former Congressman Gonzales sang alkalde pa sa syudad si Treñas. (JoMaque)
from Posyet Russia ga pamati gid ko maayo signal diri sa barko kay maka kuha sang maayo nga balita dira sa aton sa iloilo na hidlaw man ko mamati sa inyo dira kapin pa nga nag No. 1 kamo mabuhay Aksyon Radyo…