Away sa Negosyo, Ginatan-aw nga Motibo sa Pagtiro-Patay sa Retirado nga Security Guard sa Oton

Oton, Iloilo — (UPDATE)  Away sa negosyo ang ginalantaw nga motibo sang Oton plice sa pagtiro patay sa anay security guard sang Bangko Central ng Pilipinas.

Suno kay PO2 Arji Salafrania, imbestigador sang Oton Police Station, indi malikawan ang away sa negosyo bangud nagapa-utang ang biktima nga si Antonio Borbon, 64-anyos sang Compania Central, Molo.

Wala man ginadula ni Salafrania ang love triangle bangud nagbulag sa iya asawa si Borbon kag nag-upod sa iya nobya.

Nagapungko si Borbon sa guwa sang ila balay sa Block 6, Lot 9, Phase 1 Florvel Subdivision sa Buray, Oton sang ginlabayan sang riding-in-tandem kag gintiro sa ulo kag dughan.

Ginpahayag nga nagtiro kay Borbon ang naga-angkas sa motorsiklo nga nakakalo kag may tabon ang guya.

Narecover ang motorsiklo sang mga suspetsado sa atubang sang Arevalo Elementary School.  (JoMaque)