Cong. Jerry Treñas, Nagpanindugan nga Nag-agi sa Ensakto nga Proseso ang Pondo sa Pagrestore sang Molo Church
Iloilo City–Naghalin kay Senator Franklin Drilon ang P1 million nga pondo para sa pagkaayo kag pag-restore sang St. Anne Parish Church sa Molo.
Pa-athag ini Iloilo City Lone District Rep. Jerry Treñas kasunod sang sulat sang Office of the Ombudsman kay former Congressman Raul Gonzales Jr nga nagapahibalo nga may ground sa pag-file sang kaso kriminal batuk sa incumbent congressman.
Ginpa-in ang kuwarta para sa pagkaayo sang mga poste sang simbahan sang mayor pa si Congressman Treñas. Suno kay Treñas, gabok na ang kahoy nga poste kag gina-ut-ut sang anay rason nga gin-ilisan sang konkreto.
Nag-agi suno sa iya sa husto nga proseso ang pagpaguwa sang pondo para sa restoration sang Molo church nga ginakabig nga heritage site.
Nakahanda naman nga atubangon ni Cong. Treñas ang kaso. (AGB)