Grade 1 Teacher sa Jaro 1 Elem. School, Nagreklamo matapos Ginpalansangan sang Principal ang iya Classroom

Iloilo City — Nagreklamo ang Grade 1 teacher sa Jaro 1 Elementary School nga ginpalangsangan sang principal ang pwertahan sa iya classroom gani nga wala siya nakasulod halin kahapon.

Suno kay Ave Babao, nagtambung siya sang training seminar sa Antique sa sulod sang tatlo ka adlaw.

Gin-ako ni Babao nga wala siya personal nga nakalisensya kay Dr. Leaneth Trinidad, principal sang Jaro 1 Elementary School, pero nakatawag siya sa opisina sini sang Nobyembre 7 kag ginbilin sa secretary nga nalakip ang iya pangalan sa memorandum sang division office nga matambung sa training seminar.

Nakibot si Babao sang nagbalik siya sang domingo nga may lansang na ang classroom.

Nagreport si Babao sa DepEd Regional Office agud magreklamo. (JoMaque)