PDEA 6-Identified Sub-group Leader sang Prevendido Drug Group nga si Rasty Jablo, Patay matapos Nagbitay sa Sulod sang iya Selda sa General Santos City Police Station 4
Read Time:1 Minute, 18 Second
General Santos City — Patay ang bana ni Desamparados Jaro Punong Barangay Noemi Jablo nga ginatudlo sang PDEA 6 nga subgroup leader sang Prevendido Drug Group matapos nagbitay sa sulod sang iya selda sa General Santos City Police Station 4.
Suno kay Senior Supt Maximo Layugan, Director sang General Santos City Police Office, nasapwan si Rasty Jablo nga nagapunga-punga kag nakabitay gamit ang habol gani gindala sa ospital pero napatay.
Si Jablo, ginpreso matapos nga ginhostage ang anum ka bulan nga bata nga lalaki sang nagligad nga semana.
Una na nga ginhambal ni punong barangay Jablo nga wala siya nakahibalo nga nagpadulong sa General Santos ang iya bana bangud nagdumdom siya nga nag-amulya lang ini sa Manila matapos nga gintiro patay ang iya utod kag gintiro ang iya isa pa gid ka utod.
“No Foul Play”
Wala nagapati ang pamilya nga may foul play sa kamatayon sang bana ni Desamparados Jaro Punong Barangay Noemi Jablo nga si Rasty Jablo sa prisuhan sang Police Station 4 sa General Santos City.
Suno kay Nercy Susvilla, utod ni Kapitan Jablo, kumbinsido sila nga naghikog si Rasty.
May tuyo na gid man suno sa iya si Rasty nga magpanginmatay bangud sang lain-lain sini nga ginapanghambal kag wala na sa husto nga paminsaron.
Naghambal pa si Rasty suno kay Susvilla nga mapuli siya sa ila balay sa Cubay Jaro nga bangkay na upod ang iya kabataan.
Wala nagakaon kag nagatulog si Rasty kag indi na gid madala ang iya problema kabangdanan nga naghikog ini paagi sa pagbitay sa iya kaugalingon gamit ang habol. (JoMaque)
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
More Stories
7 ka tribu, mapasundayag sa highlight sang Iloilo Dinagyang Digital 2022 subong nga adlaw
ILOILO CITY -- Pito (7) ka mga tribu ang mapasundayag para sa highlight sang Iloilo Dinagyang Digital 2022 subong nga...
Barangay hall, ginabanta 20 pa ka mga balay sa San Pedro, Molo, nadakpan sang Task Force Boltahe nga may illegal koneksyon sang kuryente
ILOILO CITY – Nadiskubrehan sang Task Force Boltahe sang siyudad nga may illegal connection sang kuryente ang barangay hall sang...
Video sang lalaki nga pwersa ginpasakay sa SUV sa Bago City, Negros Occidental, viral sa social media
NEGROS OCCIDENTAL – Ginapadalman sang Bago City police ang imbestigasyon sa papwersa nga pagpasakay kay Johnson Garfil, 33-anyos, sa SUV...
Suspek nga nag-hold up sa lugawan sa Jaro, na-identify na sang pulis
ILOILO CITY –Nakilala na sang Jaro police ang lalaki nga nagsulod sa 'Lugawan ni Bro' sa Brgy. Democracia, Jaro kaina...
ICPO, indi mangdakop pero manaway lang kun i-implementar ang ordinansa sa Iloilo City nga naga-restrict sa hulag sang mga residente nga indi bakunado- PMajor Shella Mae Sangrines
I-exercise lang sang Iloilo City Police Office ang maximum tolerance kun ma-implementar ang ordinansa nga naga-restrict sa hulag sang mga...
Dalagita, naglumpat halin sa 2nd floor sang balay sa North Baluarte, Molo
ILOILO CITY – Gindala sa ospital ang 17-anyos nga dalagita matapos naglumpat halin sa second floor sang balay nga ila...
Average Rating