Lokal

PROVINCIAL GUARD SA ANTIQUE, BARANGAY KAGAWAD PATAY SANG GINPAHAYAG NAGBATO KASUNOD SANG BUY BUST OPERATION KAINA SANG KAAGAHON

Antique–Patay ang provincial guard sa Antique kag barangay kagawad sang ginpahayag nga nagbato sa mga operatiba kasunod sang buybust operation sa banwa sang San Jose kaina sang kaagahon.

Ginkilala ang mga napatay kanday Enecito Escaner sang Sinaha, Bilison, provincial guard kag high value target drug personality sa listahan sang San Jose Municipal Police Station kag Robert Magbanua, barangay kagawad sang Caridad, Hamtic. Suno kay PRO-6 Spokesman PSUPT Gilbert Gorero, nabaklan sang mga operatiba sang items ang duha sa san jose pero nagpalagyo ang mga ini sang natiktikan ang poseur-buyer.

Ginlagas ang mga subjects nga sakay sa motorsiklo tubtob na-corner suno kay Gorero malapit sa Hamtic Public Market. Suno pa kay Gorero, ginpalukpan sang duha ang mga operatiba nga nagbalos man rason sang pagkapatay nanday Escaner kag Magbanua.

Ang operasyon ginhimo sang provincial anti-illegal drug special operations team ukon PAIDSOT sang Antique kag municipal AIDSOT sang San Jose MPS. (AGB)

Leave a Reply