Tatlo ka mga Ginatudlo Extortionist nga Nagbiktima sang Negosyante sa City Proper, Dakup sa Entrapment Operation sang CIDG 6
Iloilo — Dakop sa entrapment operation sang mga operatiba sang Criminal Investigation and Detection Group ukon CIDG 6 ang tatlo ka ginatudlo extortionists nga nagbiktima sa negosyante nga nagabaligya sang mga ingredients sa paghimo sang tinapay sa De Leon Street, City Proper.
Ginkilala ang mga suspetsado nga sanday Marty John Jose, Omar Calar kag Julie Ann Dureza nga lunsay mga residente sang Janiuay, Iloilo.
Una nga nadakpan si Jose kagab-i samtang nadakpan naman sa follow-up operation sa Janiuay sanday Calar kag Dureza kaina sang aga.
Nakuha kay Jose ang hand grenade, .38 caliber revolver, super 38 pistol, mga bala kag budol money nga 1 milyon pesos nga gingamit sa entrapment operation.
Narecover man ang text messages nga ginpadala ni Calar sa negosyante.
Suno kay Supt Julius Jacinto, Asst Regional Chief sang CIDG 6, anay empleyado sang biktima nga nagapanag-iya sang BTJ Marketing sanday Calar kag Dureza. (JoMaque)