Masobra 200 ka Pasahero, Stranded sa mga Puwerto sa Syudad kag Probinsya sang Iloilo

Iloilo–Madamo nga pasahero ang na-stranded sa mga puerto sa syudad kag probinsya matapos ginsuspender ang biyahe sang tanan nga sakayan pandagat subong nga adlaw.

Tubtob alas-4 kaina sang kaagahon, 207 ang stranded suno kay Lieutenant Commander Ramil Palabrica sang Coast Guard-Iloilo Station. Ginpabutyag ni Palabrica nga indi gid pwede nga magbiyahe ang mga sea vessels pareho sang RORO, fast crafts kag mga pumpboats bangud napa-idalum sa signal number 2 dala sang Bagyo Marce ang Iloilo.

Sa terminal sa San Pedro, 54 ang stranded nga pasahero; 55 sa Lapuz Wharf; 83 sa Dumangas Port kag 15 sa banwa sang Concepcio. (AGB)