August 15, 2022

Taxi Driver, Patay matapos Gintiro sang Tricycle Driver sa Jaro

Read Time:46 Second

Iloilo City — Patay ang taxi driver nga gintiro sang tricycle driver sa Bitoon Jaro kagab-i.

Ginkilala ang biktima kay Juanito Mahilum, 52 anyos sang Hibao-an Norte Mandurriao nga may pilas sa wala nga parte sang ulo.

Gintudlo naman ang suspek kay Robert Parreño alyas Parbit nga nagpalagayo pagkatapos sang insidente.

Suno kay Barangay Kagawad Benny Lopez sang Bitoon Jaro, nakapanaug lang ang gindul-ong sang biktima nga koridor sang STL nga si Susan Baril, 47 anyos, sang nabatian niya ang lupok sang pusil.

Ginpahayag sang kagawad nga nakita pa niya nga nagdalagan ang suspek upod sa isa pa ka lalaki.

Ginpahayag pa ni Lopez nga ginapakilala ni baril nga nobyo niya ang taxi driver.

May naguwa man nga impormasyon nga may komosyon pa nga natabu sa guwa sang STL office sa Arroyo Street, City Proper bangud nga mas ginpili ni baril nga magsakay sa taxi kag indi sa tricycle sang suspek. (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Masobra isa ka Libo ka mga Residente sa Dumangas, Nag-evacuate bangud sa Pagbaha
Next post 19-ANYOS NGA ESTUDYANTE, PATAY MATAPOS GINBUNO SANG IYA MAN LANG AMAY SA CABATUAN