Luca, Ajuy Barangay Kagawad Nakuhaan Sang Pusil Matapos Ginserbihan Sang Search Warrant

Municipality of Ajuy – Nakuhaan sang pusil ang Barangay Kagawad sang Luca, Ajuy.

Nakuha sang Ajuy Police kag Criminal Investigation and Detection Group 6 kay Kagawad Edwin Estrebillo, 47-anyus sang nasambit nga barangay ang 9 mm caliber pistol kag long 12 gauge homemade shotgun nga may isa ka magazine kag apat ka mga bala.

Ginserbi ang search warrant kay Estribillo suno kay Chief Inspector Charlie Sustento, hepe sang Ajuy Police Station bangud sang reklamo sang mga pumoloyo sa masami nga pagtaklos sang barangay kagawad sang pusil.

Ginpanindugan ni Estribillo nga may lisensya ang iya mga pusil apang wala man sang may ginpresentar sang ginpangitaan sang operatiba sang dokomento.

(Aljohn Torreta)