OIC sang LTFRB 6, nanginwala sa report nga may duha ka regional directors ang ahensya

Iloilo City–Indi matuod ang report nga duha ang nagapungko nga regional directors sang Land Transportation Franchising and Regulatory Board (LTFRB) 6.

Paathag ini ni Atty. Ma. Josette Abellar, OIC sang LTFRB 6. Suno kay Abellar, temporaryo lang siya nga magapungko sa posisyon samtang on-leave si Regional Director Romulo Bernardez.

Ginpahayag ni Abellar nga indi dapat mangduha-duha ukon mahadlok ang mga stakeholders nga magpadulong sa iya opisina. Bukas suno sa iya ang opisina para sa mga may transaksyon. Dugang ni Abellar, wala sang pagbag-o sa ila mga operasyon sa idalum sang iya pagpamuno. (AGB)