Drummer sang Tribu Paghidaet, nabun-an sang ginatudlo miembro sang gang sa Lapaz

Iloilo City–Pilason ang drummer sang Tribu Paghidaet matapos nabun-an sang ginatudlo nga miembro sang gang sa Lapaz kaina sang kaagahon.

Pauli na si alyas Goko, 15-anyos, kaupod ang iban nga drummers sang Tribu Paghidaet sang ginsugata sang pito ka ginpahayag miembro sang Taylor Gang or Die. Gintudlo ni alyas Goko nga nagpanguna sa grupo si Romer Castor nga nagpalagyo pagkatapos sang insidente.

Napilasan sa tuo nga kilid ang biktima nga gindala sa WVSU Medical Center. Magluwas nga nabun-an si Goko, nakastiguhan man ang iya kaupod gani nga nagpa-blotter sila sa Lapaz Police Station.

Ginpa-athag ni Goko nga pasado alas-12 nga natapos ang ila practice pero naghapit pa ang iya grupo sa Lapaz Public Market kag nagkaun antes nagpauli. (AGB)