Terror alert level 3, nagakahulugan sang hugot nga pagbantay sang mga pulis–PRO 6 spokesperson

Iloilo City–Hugot nga magabantay ang mga pulis sa Western Visayas. Kasunod ini sang pagpa-idalum sa pungsod sa terror alert level 3.

Suno kay Police Regional Office (PRO) 6 Spokesperson PSUPT Gilbert Gorero, naka-alerto ang ila bug-os nga pwersa ilabe pa nga hiwaton sa syudad ang aktibidad sa ASEAN Summit sa masunod nga tuig.

Bisan wala sang pamahug nga atakehon sang mga terorista ang rehiyon, ginapreparahan sang PRO-6 suno kay Gorero ang seguridad sang mga delegado halin sa ASEAN member states.

Gindeklarar ang terror alert level 3 sa pungsod kadungan sa pagparesentar ni PNP Chief Director General Ronald Dela Rosa sa media sang duha ka suspek sa wala nadayon nga pagpamomba sa US Embassy sa Manila. (AGB)