21-Anyos nga Lalaki nga Nagakarga sang Goods sa Nakaparada nga Tricycle,Patay sang Gindusdos sang Pick-up sa San Miguel

San Miguel, Iloilo — Patay ang 21-anyos nga lalaki nga nagakarga sang mga goods sa tricycle matapos nabungguan sang Mitsubishi Strada pick-up sa Sitio Tuburan Barangay Igtambo San Miguel kaina sang kaagahon.

Ginkilala ang biktima kay David Caoyonan sang nasambit nga lugar. Pilason man ang tiyo sini nga si Alex Caoyonan nga padayon nga ginabulong sa Aleosan District Hospital.

Suno kay PO2 Richie Alcala sang San Miguel Police Station, nakaparada sa higad sang karsada ang tricycle sang ginbungguan sang pick-up nga ginamaneho ni John Darryl Lagumbayan, 31 anyos sang Talacuan Leon.

Ginpahayag nga gindusdos sang pick-up pakadtu sa poste ang tricyle dala ang mga biktima.

Gin-ako sang driver sang pick-up nga naghalin siya sa christmas party sa Iloilo City kag nakainum siya suno kay PO2 Alcala. (JoMaque)